Already a member ? Please Login


Dany Darvin

അസ്തമയം

#അസ്തമയം നരകൾ പടർന്നെന്നാൽ വയസ്സുകളോരോന്നു വർദ്ധിച്ചീടിൽ മാത്രമോ അസ്തമനത്തിനതു തുടക്കം. ഈശ്വരൻ കണ്ണതൊന്നടക്കുമ്പോൾ ജീവിതമതാടി തീർക്കാതെ പച്ചിലകളതു നിലംപതിക്കുന്നില്ലേ... ഇതേതു ഗണത്തിലും പെടാതെ ചിലരതു മരിക്കാതെ മരിക്കുന്നു. മനസ്സിൽ നരകൾ പടർന്നിരിക്കുന്നു. മനസ്സിൽ പ്രായമതു വർദ്ധിച്ചിടുന്നു. എങ്ങുമവരിൽ ദർശിക്കുന്നതു അസ്തമന കാഴ്ചകൾ മാത്രം. ഉൾക്കണ്ണിൽ പുഴുക്കുത്തേറ്റ് കൊഴിയുന്ന ഇലകളും ശുഷ്കിച്ച ദേഹങ്ങളും മെല്ലിച്ചവരണ്ട കൈകാലുകളും ഊന്നുവടികളും ദർശനീയം. കാഴ്ചകൾ മങ്ങി തപ്പിത്തടഞ്ഞ് പ്രാഞ്ചി പ്രാഞ്ചിയുള്ള നടത്തം. കുഴമ്പിന്റേയും കഷായത്തിന്റെയും ഗന്ധം മുക്കിൽ തുളഞ്ഞു കയറുന്നു പിഞ്ചു കുഞ്ഞിനേപ്പോൽ വ്യക്തമല്ലാത്ത സംസാരം. എണ്ണപ്പെട്ട ദിനങ്ങളിലൂടെയുള്ള ജീവിത നടത്തങ്ങൾ. ഇതാ മനസ്സു മരിച്ചിരിക്കുന്നു. വാർദ്ധക്യത്തിൻ ചുവടുവെപ്പില്ലാതെ ഞാനും... നീയുമെല്ലാം മരിച്ചവർ മാത്രം. ഡാനി ഡാർവിൻ (മഴവില്ല്)