Already a member ? Please Login


Dany Darvin

വസന്തകാലം തീർക്കുന്നവർ

#വസന്തകാലംതീർക്കുന്നവർ ഞാനൊരു വസന്തകാലം... സന്തോഷത്തിന്റെ സന്താപത്തിന്റെ ദിനങ്ങളെന്നിൽ പൂത്തു തളിർക്കാറുണ്ട്. എന്നിലേക്കെത്തി നോക്കുന്ന സൂര്യകിരണങ്ങളെ നോക്കി പുഞ്ചിരി തൂകാറുണ്ട്. ഇടക്കെങ്കിലും മൗനത്തിന്റേയും വിരഹത്തിന്റെയും ചില്ലകളിൽ തട്ടി എന്റെ മനസ് ഉടക്കി നിൽക്കാറുമുണ്ട്. പ്രണയം മൊഴിയും കാലമായതിനാൽ ഞാൻ എന്നെത്തന്നെ മറന്നു നിൽക്കുമ്പോൾ എന്നിലേക്ക് പറന്നടുക്കുന്നു ചിത്രശലഭങ്ങൾ. എന്നിൽ തഴുകി പോകുന്ന കാറ്റിനോടെനിക്ക് ആരാധനയാണ്. വിരഹ ചൂടിൽ അവനൊരു കൊടുങ്കാറ്റാകാൻ ശ്രമിക്കുകിൽ ഋതുക്കളുടെ അതിർത്തി ലംഘിച്ച് ഞാനെന്നെത്തന്നെ അവനു സമർപ്പിക്കാറുണ്ട്. എന്റെ അസ്തമയം ഇതാ തുടങ്ങുന്നു. എന്നിൽ നിന്നുതിർന്നു വീഴുന്ന പൂക്കളിൽ തീർത്ത വീഥികൾ നിങ്ങൾക്കായി രാജപാതകൾ തീർക്കുകയാണ്. വിഷമമരുതേ..... എന്തായാലും ഞാൻ മറ്റൊരു കാലത്തിന് വഴി മാറേണ്ടവൾ. ഇനിയും പ്രതീക്ഷകളുടെ വസന്തകാലം തീർക്കാൻ താമസമേതും കൂടാതെ ഞാനെത്തിടാം. ഡാനി ഡാർവിൻ (മഴവില്ല്)