Already a member ? Please Login


Dany Darvin

വിശ്വം കുതിക്കുന്നു

വിശ്വം കുതിക്കുമ്പോൾ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, വിശ്വം കുതിക്കുന്നു... ശാസത്രലോകത്തിൻ പൊരുളുകളറിയാൻ. വിശ്വം കുതിക്കുന്നു.... വർണ്ണങ്ങൾ വാരിവിതറുന്ന ചിത്രകാരനേയും നടനനാട്യങ്ങൾ തീർക്കുമീ കലാകാരന്മാരേയും വാക്കുകൾ കൊണ്ടു മായാജാലം തീർക്കുന്ന സാഹിത്യകാരന്മാരേയും പേറി. വിശ്വം കുതിക്കുന്നു.... യഥാർത്ഥ ഈശ്വരസേവകളറിയാത്ത ഭക്തന്മാരേയും അതിലേറെ നിരീശ്വരവാദികളുമായി. വിശ്വം കുതിക്കുന്നു.... നെറികേടിന്റെ കാണാകാഴ്ചകളുമായ് അധർമ്മത്തിൻ ചൂതാട്ടം തീർത്ത്. വിശ്വത്തിനൊപ്പം കുതിക്കുന്നവരോ, വഴിയെകാണും അബലരുടെ ഹൃദയത്തിൽ മുള്ളുകൾ കയറ്റി, സത്യത്തിനു വേണ്ടി വാദിക്കുന്നവർ തൻ ശിരസ്സിൽ മുൾക്കിരീടങ്ങൾ ചാർത്തി ആർത്തട്ടഹസിക്കുന്നു. പീഡിപ്പിക്കപ്പെട്ട ബാല്യകയുടെ ജീവിത പിന്നാമ്പുറങ്ങൾ തേടി കാർക്കിച്ചു തുപ്പാനും മറക്കുന്നില്ല ചിലർ. അവൾക്കു വേണ്ടി പകൽ വെട്ടത്തിൽ 'നീതിദേവതയേ കൺതുറക്കൂ'വെന്ന് വിളിച്ചു കൂവാനും മറക്കുന്നില്ലിവർ. കടമ നിർവ്വഹിച്ച്, രാവിൻ മറയത്ത് മറ്റൊരു കന്യകതൻ മടിക്കുത്തഴിക്കാൻ കൂട്ടിക്കൊടുപ്പുകാരിയോടൊപ്പം പുതിയ മാളങ്ങൾ തേടി നടക്കുന്നവർക്കായി ഓശാന പാടാൻ വെമ്പുന്ന ചില രാഷ്ട്രീയ കോമരങ്ങളേയും പേറി വിശ്വം കുതിക്കുകയാണ്....... വിശ്വം കുതിക്കുന്നു.... ഇനിയൊരു യുഗം എന്തായിത്തീരുമെന്നു പോലും സങ്കൽപ്പിക്കാനാകാത്ത വിധം. ഡാനി ഡാർവിൻ (മഴവില്ല്)