Already a member ? Please Login


Dany Darvin

അവനെന്റെ സ്നേഹിതൻ

അവനെന്റെ സ്നേഹിതൻ ...................................................... എന്നത്തേയും പോലെ കിരണുമായി സോഫിയ ചാറ്റിംഗിലായിരുന്നു. പഴമക്കാർ പറയുന്നതുപോലെ നട്ടിടം മുതൽ മുളച്ചിടം വരെയുള്ള കാര്യങ്ങൾ അവളവനോടു പറയും. പറഞ്ഞില്ലേൽ അന്നത്തെ ദിവസം വല്ലാത്ത വിമ്മിഷ്ടമാണ്. ആൺ-പെൺ സൗഹൃദങ്ങളിലാണ് വിശ്വാസ്യത കൂടുതലെന്ന് ചില ബന്ധങ്ങൾ അവളെപഠിപ്പിച്ചപ്പോൾ അപൂർവ്വംചിലത് വഞ്ചനയുടെ മുഖവും അവൾക്ക് കാട്ടിതന്നു. അതിലെ ചതിയുടെ മുഖം വേർതിരിച്ചറിയിക്കാൻ അവൻ അവൾക്ക് നല്ലൊരു കൂട്ടുകാരനായിരുന്നു. ചാറ്റിംഗിനിടയിൽ പെട്ടെന്ന് അവളുടെ മെസ്സഞ്ചർ ബ്ലോക്കായി. നോക്കിയപ്പോൾ മറ്റുള്ളവർക്ക് മെസ്സേജ് പോകുന്നുണ്ട്. വാട്‌സ്അപിലും, വൈബറിലും എല്ലാം ഇത് പറഞ്ഞ് മാറി മാറി അവന് മെസ്സേജയച്ചപ്പോൾ "നീ ഒന്നൂടെ നോക്ക്, ബ്ലോക്ക് മാറി കാണും' എന്നായിരുന്നു അവന്റെ മറുപടി. അവന്റെ മെസ്സേജുകൾ വരുന്നുണ്ട്. തിരിച്ച് അവളുടെ മറുപടി പോകുന്നില്ല. " എടി പെണ്ണേ ,അൽപനേരം വെയ്റ്റ് ചെയ്യ് " എന്നവൻ പറഞ്ഞപ്പോൾ അവനെ വിളിക്കാൻ ശ്രമിച്ച അവളുടെ ഫോൺ കട്ടാക്കി. പിന്നീടവൾക്ക് മനസ്സിലായി അവൻ അറിഞ്ഞു കൊണ്ട് തന്നെ ബ്ലോക്ക് ചെയ്തതാണെന്ന്. ചോദിച്ചപ്പോൾ.... "ചുമ്മാതാടീ ഞാൻ ബ്ലോക്ക് ചെയ്തത്. ഒരു രസത്തിന് " എന്ന മറുപടിയും. "നിനക്കെന്നാടാ, വട്ടാണോ? രസത്തിനു വേണ്ടി എന്നെ ബ്ലോക്കു ചെയ്യാൻ " എന്നവൾ ദേഷ്യപ്പെട്ടപ്പോൾ ഉള്ള മറുപടിയോ.... " ഞാനങ്ങനെ ചെയ്തത് നിന്നോട് വഴക്ക് ഉണ്ടാക്കാനാടീ.... " അവളുടെ പരിഭവം ആളിക്കത്തി. "നിന്നെ ഞാൻ ഇതു പോലെ ബ്ലോക്ക് ചെയ്യും കിരൺ. നീ നോക്കിക്കോ. ഈയിടെയായി അല്ലേലും നിനക്ക് എന്തെങ്കിലും കാരണം പറഞ്ഞ് ഉടക്ക് ഉണ്ടാക്കൽ ഇത്തിരി കൂടുതലാ. ഞാൻ നിന്നോട് എന്തു തെറ്റാണ് ചെയ്തത് ?" അവൾ പരിതപിച്ചു കൊണ്ടിരുന്നപ്പോൾ അവനിൽ നിന്നു ലഭിച്ച ഉത്തരം...... അതിൽ അവളുടെ എല്ലാ ദേഷ്യവും അലിഞ്ഞു പോയി. അവൻ പറയുവാ........... "അപ്പോഴല്ലേ, നിന്നെ ഒത്തിരി സ്നേഹിക്കാൻ പറ്റൂന്ന് ". സത്യായിരിക്കും. ല്ലേ?......... .......................................................................................... ഡാനി ഡാർവിൻ (മഴവില്ല്)