Nalapattu Sulochana

നാലപ്പാട്ട് സുലോചന

1940 ഡിസംബര്‍ 7 ന് ജനിച്ചു. നാലപ്പാട്ട് ബാലാമണിയമ്മയുടെയും മാതൃഭൂമി മാനേജിങ് എഡിറ്ററായിരുന്ന വി. എം.നായരുടെയും മകള്‍. മാധവിക്കുട്ടിയുടെ സഹോദരി. 1963 ല്‍ എം. ബി. ബി. എസ്. പാസ്സായി. ടാറ്റാ ഫിന്‍ലോയുടെ തെന്നിന്ത്യന്‍ തോട്ടങ്ങളില്‍ മെഡിക്കല്‍ ഓഫീസറായും, ഉപാസിയുടെ ഇീാുൃലവലിശ്ലെ ഘമയീൗൃ ണലഹളമൃല ടരവലാല ല്‍ മെഡിക്കല്‍ ഓഫീസറായും, പിന്നീട് മെഡിക്കല്‍ അഡ്വൈസറായും ജോലി ചെയ്തിട്ടുണ്ട്. ടാറ്റാ ടീയുടെ ഇീാാൗിശ്യേ ഉല്ലഹീുാലിേ മിറ ടീരശമഹ ണലഹളമൃല ടരവലാല ല്‍ മാനേജറായിരിക്കെ കല്‍ക്കട്ടയില്‍ നിന്നും വിരമിച്ചു. “ഞാനെന്ന ഭാവം” (2000), “കവാടം” (മാധവിക്കുട്ടിയുമൊത്തെഴുതിയ നോവല്‍, 2000), “തേയില” (2002), “ദൈവത്തിന്‍റെ നിഴല്‍” (2004), “സ്വപ്നാടനം” (2006), “പേനയാല്‍ തുഴഞ്ഞ ദുരന്തങ്ങള്‍” (2002), “ബാലാമണിയമ്മയുടെ കവിതകള്‍” (2005), “മനസിനകത്തൊരു മുറി” (2009), “മൂന്നാറിന്‍റെ കഥ” (2007) എന്നിവയാണ് കൃതികള്‍. തന്‍റെ ജ്യേഷ്ഠത്തിയുടെ (കമലാസുരയ്യ) മരണത്തെ തുടര്‍ന്ന് സുലോചന എഴുതിയ കവിതയാണ് ‘രഥയാത്ര’. ശവപ്പെട്ടിയിലാക്കിയ മൃതശരീരം കൊണ്ടുപോകുന്നത് കണ്ട കവയിത്രി ആമിയോപ്പു രഥത്തിലേറി ഊരുചുറ്റി കാണാന്‍ പോകുന്നതായി സങ്കല്പിക്കുന്നു. സ്നേഹനിധിയായ തന്‍റെ ആമിയോപ്പുവിന്‍റെ വേര്‍പാടില്‍ ദുഃഖിക്കുന്ന കവയിത്രി, ആമിയോപ്പുവിനെ തിരിച്ചു വിളിക്കുകയാണ്. ഞാനടക്കം കേരളമക്കള്‍ ചിരിയും തേങ്ങലും പെറുക്കി മണ്ണിലിഴയവെ ആമിയോപ്പു വീണ്ടും വളകിലുക്കി, മുഖംപൊത്തിച്ചിരിച്ചു ....... എന്നിങ്ങനെ ആമിയോപ്പുവിനെകുറിച്ചു ഓര്‍ക്കുന്നു.

“ഞാനെന്ന ഭാവം” (ലേഖനസമാഹാരം). കോട്ടയം: (2000) ഡി. സി. ബുക്സ്പൂര്‍ണ്ണ പബ്ലിക്കേഷന്‍സ്, 2007. “കവാടം” (മാധവിക്കുട്ടിയുമൊത്തെഴുതിയ നോവല്‍, 2000). കോട്ടയം: ഡിസി ബുക്സ്, പൂര്‍ണ്ണ പബ്ലിക്കേഷന്‍സ്, 2007. “തേയില” (2002). തൃശൂര്‍: കറന്‍റ് ബുക്സ്, 2002, പൂര്‍ണ്ണ പബ്ലിക്കേഷന്‍സ്, 2007. “പേനയാല്‍ തുഴഞ്ഞ ദുരന്തങ്ങള്‍” (പഠനം) - (2002). തൃശൂര്‍: കറന്‍റ് ബുക്സ്പൂര്‍ണ്ണ പബ്ലിക്കേഷന്‍സ്, 2007. “ദൈവത്തിന്‍റെ നിഴല്‍”. കോട്ടയം: ഡി. സി. ബുക്സ്, 2004. “സ്വപ്നാടനം”. കോട്ടയം: ഡി. സി. ബുക്സ്, പൂര്‍ണ്ണ പബ്ലിക്കേഷന്‍സ്, 2007. “മൂന്നാറിന്‍റെ കഥ” (പ്രാദേശിക ചരിത്രം). കോഴിക്കോട്: മാതൃഭൂമി, 2007. “മനസികത്തൊരു മുറി” (ലേഖനസമാഹാരം). തൃശ്ശൂര്‍: 2009.

Extracts

Women Writers of Kerala

View all Authors