Sreekala M. S.

ശ്രീകല എം. എസ്

1980 മെയ് 15 ന് തൃശ്ശൂര്‍ ജില്ലയിലെ പുന്നയൂര്‍ക്കുളത്ത് ജനിച്ചു. കോഴിക്കോട് ഗവണ്‍മെന്‍റ് ലോ കോളേജില്‍ നിന്ന് നിയമത്തില്‍ ബിരുദം. മധുര കാമരാജ് യൂണിവേഴ്സിറ്റിയില്‍ നിന്ന് ജേര്‍ണലിസത്തില്‍ ബിരുദാനന്തര ബിരുദം. 2003 ല്‍ ഇന്ത്യാവിഷനില്‍ മാധ്യമ പ്രവര്‍ത്തനം തുടങ്ങി. ഇപ്പോള്‍ സീനിയര്‍ റിപ്പോര്‍ട്ടര്‍. “1957-59 വാര്‍ത്തകള്‍ക്കപ്പുറം” ആണ് പ്രസിദ്ധീകരിച്ച കൃതി. ‘അങ്ങനെ വിമോചന സമരം’ എന്ന് അദ്ധ്യായമാണ് ഇവിടെ ഉള്‍പ്പെടുത്തിയിരിക്കുന്നത്. 1957-59 കേരള രാഷ്ട്രീയത്തിലെ സമാനതകളില്ലാത്ത കാലഘട്ടമാണ്. പ്രഥമ കമ്മ്യൂണിസ്റ്റ് സര്‍ക്കാര്‍ സഞ്ചരിച്ച കനല്‍ നിറഞ്ഞ വഴികള്‍ അടയാളപ്പെടുത്തുകയാണിവിടെ. വാര്‍ത്തകളുടെ ഒരു പില്‍ക്കാല വായനയാണ് ഈ പുസ്തകം. പിണറായി വിജയന്‍ അവതാരികയില്‍ ഈ കൃതിയെ വിലയിരുത്തുന്നതു ശ്രദ്ധേയമാണ്. വിമോചന സമരം എന്ന സമരാഭാസം എങ്ങനെ രൂപം കൊണ്ടു, എങ്ങനെ വളര്‍ന്നു, അതില്‍ പത്രങ്ങളുടെ പങ്കെന്ത് എന്നിങ്ങനെയുള്ള ചോദ്യങ്ങള്‍ക്ക് വസ്തുനിഷ്ഠമായ ഉത്തരങ്ങള്‍ ഈ പുസ്തകത്തിലുണ്ട്. വിമോചനസമരം എന്താണെന്നു വ്യക്തമാക്കാന്‍ 1959 മെയ് 28 ന് മന്നത്തു പത്മനാഭന്‍ നടത്തിയ പത്രസമ്മളേനത്തിലെ ചോദ്യോത്തരങ്ങളും ഈ അദ്ധ്യായത്തില്‍ ഉള്‍പ്പെടുത്തിയിരിക്കുന്നു.

“1957-59: വാര്‍ത്തകള്‍ക്കപ്പുറം”. തിരുവനന്തപുരം: ചിന്ത പബ്ലിഷേഴ്സ്, 2010.

Extracts

Women Writers of Kerala

View all Authors