Sreedevi

ശ്രീദേവി

1965 ല്‍ കൊല്ലം ജില്ലയില്‍ ജനനം. കേരള സര്‍വ്വകലാശാലയില്‍ നിന്ന് ചരിത്രത്തില്‍ ബിരുദം. എം. എ. പഠിച്ചുകൊണ്ടിരിക്കുമ്പോള്‍ വിവാഹം. പഠനകാലത്ത് ആനുകാലികങ്ങളില്‍ കവിതകളെഴുതിയിരുന്നു. ആകാശവാണിയിലൂടെ ചെറുകഥകളും പ്രക്ഷേപണം ചെയ്തിട്ടുണ്ട്. ശ്രീദേവിയുടെ ആദ്യകവിതാ സമാഹാരമാണ് “മാംഗല്യം തന്തുനാനേന”. ഭാഷാസൗകുമാര്യവും ആശയസംവേദനക്ഷമതയും ഉള്ളവയാണ് ശ്രീദേവിയുടെ കവിതകള്‍. കാലിക പ്രസക്തമായ വിഷയങ്ങളാണ് കവിതക്കായി തിരഞ്ഞെടുത്തിരിക്കുന്നവയിലേറെയും. കുടുംബം എന്ന സംവിധാനത്തിനുള്ളിലെ ഒത്തുതീര്‍പ്പുകളും ഗതികേടുകളും അവര്‍ വിദഗ്ധമായി പകര്‍ത്തി അവതരിപ്പിക്കുന്നു. ‘പുരാവസ്തു’ എന്ന കവിത ശ്രീദേവിയുടെ “മംഗല്യം തന്തുനാനേ” എന്ന കൃതിയില്‍ നിന്നു തന്നെ എടുത്തതാണ്. അവരുടെ രചനാശൈലിയെ വെളിപ്പെടുത്തുന്ന കവിതയാണ് പെണ്ണുങ്ങള്‍ വീടിന്‍റെ വിളക്കാണെന്ന പഴഞ്ചൊല്ലിനെ മുന്‍നിര്‍ത്തി വിളക്കെങ്ങനെ പുരാവസ്തു ആകുന്നുവെന്നു വരച്ചുകാട്ടിയിരിക്കുന്നു കവി തളത്തില്‍ ഉള്ളിക്കുള്ള കളിക്കോപ്പുകള്‍, തട്ടിന്‍ പുറത്തു ഭാഗം വെയ്പില്‍ ലഭിച്ച പാഴ്വസ്തുക്കള്‍ കളിമണ്‍ പ്രതിമകള്‍ക്കുറങ്ങാന്‍ പൂജാമുറി കൗതുകവസ്തുക്കള്‍ക്കായ് ചില്ലലമാരക്കൂടും എന്ന മട്ടില്‍ ഓരോന്നിനെയും അതാതിന്‍റെ സ്ഥാനത്ത് നിര്‍ത്തിക്കൊണ്ട് വീട്ടുപെണ്ണന്ന നിലയില്‍ തന്‍റെ സ്ഥാനം തേടുകയാണ് കവി. ഒരിടത്തും അവര്‍ സ്വയം പാകമാകുന്നില്ല ഒടുവില്‍. പൈതൃകസ്വത്തിനൊപ്പം മച്ചകമറയ്ക്കുള്ളില്‍ ഒതുങ്ങിക്കൂടാന്‍ മാത്രം പഴക്കമെനിക്കാവോം. എന്ന് ചോദിച്ച് അവസാനിപ്പിച്ചിരിക്കുന്നു.

“മംഗല്യം തന്തുനാനേന” (കവിതാസമാഹാരം). ആലുവ: പെന്‍ബുക്സ്, 2006.

Extracts

Women Writers of Kerala

View all Authors