Smitha Das

ഡോ. സ്മിത ദാസ്

പെരുണ്ണൂര്‍ വടക്കൂട്ട് ഹരിദാസന്‍ നമ്പൂതിരിയുടെയും കൈക്കുളങ്ങര വാരിയത്ത് പങ്കജത്തിന്‍റെയും മകള്‍. പാലക്കാട്ട് ജില്ലയിലെ തണ്ണീര്‍ക്കോട്ട് ജനിച്ചു. തണ്ണീര്‍ക്കോട്ട് സീനിയര്‍ ബേസിക് സ്കൂള്‍, വട്ടേനാട്ട് ഗവ. ഹയര്‍സെക്കന്‍ററി സ്കൂള്‍ എന്നിവിടങ്ങളില്‍ സ്കൂള്‍ വിദ്യാഭ്യാസം. പട്ടാമ്പി സംസ്കൃത കോളേജില്‍ നിന്നും മലയാളത്തില്‍ എം. എ.ബിരുദം. ഡോ. എന്‍. എം. നമ്പൂതിരിയുടെ കീഴില്‍ സുഗതകുമാരിയുടെ കവിതകളിലെ കൃഷ്ണസങ്കല്പം എന്ന വിഷയത്തില്‍ കാലിക്കറ്റ് യൂണിവേഴ്സിറ്റിയില്‍ നിന്നും ഡോക്ടറേറ്റ്. ഇപ്പോള്‍ വളാഞ്ചേരി മര്‍ക്കസ് ട്രെയിനിംഗ് ഇന്‍സ്റ്റിറ്റ്യൂട്ടില്‍ അധ്യാപിക. “ജ്വാലാമുഖി: പുന്നശ്ശേരി നമ്പി ശ്രീ നീലകണ്ഠശര്‍മ്മ” ആണ് പ്രസിദ്ധീകരിച്ച കൃതി. വിദ്യാദാനമാണ് ഇരുട്ടില്‍ നിന്ന് വെളിച്ചത്തിലേക്ക് മോചനം ലഭിക്കാനുള്ള മാര്‍ഗ്ഗം എന്നു മനസ്സിലാക്കി, ജാതി-മത-ലിംഗ ഭേദമന്യേ ഏവര്‍ക്കും വിജ്ഞാനം പകര്‍ന്നുകൊടുത്ത ജ്വാലാമുഖിയാണ് പുന്നശ്ശേരി നമ്പി ശ്രീ. നീലകണ്ഠശര്‍മ്മ. കേരളം ഒരേ മനസ്സോടെ ഹൃദയപൂര്‍വം നമസ്കരിച്ച ആ മഹാഗുരുനാഥന്‍റെ വ്യക്തിത്വം ആധുനിക വീക്ഷണത്തില്‍ വിശദമായി പ്രതിപാദിക്കുന്ന ഗ്രന്ഥമാണിത്. ‘പുന്നശ്ശേരി നമ്പിയും കേരളീയ നവോത്ഥാനവും’ എന്ന അദ്ധ്യായമാണ് ഇവിടെ ഉള്‍പ്പെടുത്തിയിരിക്കുന്നത്. നവോത്ഥാന നായകന്‍ എന്ന നിലയില്‍ പുന്നശ്ശേരി നമ്പിയുടെ പ്രവര്‍ത്തനങ്ങളെ വിലയിരുത്തുകയാണ് ഈ അദ്ധ്യായത്തില്‍ ബഹുമുഖമായിരുന്ന നമ്പിയുടെ പ്രവര്‍ത്തന മണ്ഡലം. വിജ്ഞാന ചിന്താമണിയെന്ന സംസ്കൃത വൃത്താന്ത പത്രിക തന്നെയാണ് അദ്ദേഹത്തിന്‍റെ നവോത്ഥാന പ്രവര്‍ത്തനങ്ങള്‍ക്കുള്ള ഏറ്റവും വലിയ തെളിവ്.
“ജ്വാലാമുഖി: പുന്നശ്ശേരി നമ്പി ശ്രീ നീലകണ്ഠശര്‍മ്മ” (ജീവചരിത്രം). അടൂര്‍: ലെന്ഡസ് ബുക്സ്, 2011.

Extracts

Women Writers of Kerala

View all Authors