Sheela Tommy

ഷീല ടോമി

1971 മെയ് 31 -ന്, വയനാട് ജില്ലയിലെ മാനന്തവാടിയില്‍ ജനിച്ചു. പയ്യമ്പള്ളി സെന്‍റ് കാതറൈന്‍സ് ഹൈസ്ക്കൂള്‍, കോഴിക്കോട് പ്രോവിഡന്‍സ് കോളേജ്, കണ്ണൂര്‍ ഗവ. എഞ്ചിനിയറിംഗ് കോളേജ് എന്നിവിടങ്ങളില്‍ വിദ്യാഭ്യാസം. കുറച്ചുനാള്‍ എല്‍. ഐ. സി. യില്‍ ഉദ്യോഗസ്ഥയായിരുന്നു. ഗള്‍ഫ് ആനുകാലികങ്ങളില്‍ എഴുതാറുണ്ട്. 2007 -ലെ അബുദാബി അരങ്ങ് സാംസ്കാരികവേദിയുടെ ചെറുകഥയ്ക്കുള്ള പുരസ്ക്കാരം ലഭിച്ചു. ഇപ്പോള്‍ ദോഹയില്‍ താമസിക്കുന്നു. തെരഞ്ഞെടുത്ത ഇരുപത് കഥകളുടെ സമാഹാരമായ “പുഴ പറഞ്ഞ കഥ”യിലെ 'മകള്‍' എന്ന ചെറുകഥയാണ് ഇവിടെ ഉള്‍പ്പെടുത്തീരിക്കുന്നത്. കഥ പറച്ചിലിന്‍റെ വേറിട്ട വഴികള്‍ തേടുന്ന കഥാകൃത്താണു ഷീല. 'ലോലഹൃദയരും സ്നേഹ നിധികളുമായ അച്ഛനമ്മമാര്‍ ഈ കഥ വായിക്കരുത'് എന്ന ആദ്യ വാക്യത്തില്‍ത്തന്നെ ഇക്കാര്യം വായിച്ചെടുക്കാം. കഥ പറച്ചിലില്‍ നിന്നു പുറത്തിറങ്ങി, വായനക്കാരുമായി സംവദിക്കുന്ന കഥാകൃത്ത് ഈ വസ്തുനിഷ്ഠത വിവരണത്തിന്‍റെ കാര്യത്തിലെത്തുമ്പോള്‍ കൗതുകമുളവാകുന്നു. ഒരു ചലച്ചിത്രാവിഷ്ക്കാരത്തിന്‍റെ ഘടനാവിശേഷങ്ങളെ ചെറുകഥയുടെ ഛന്ദസ്സിലേക്ക് സന്നിവേശിപ്പിക്കാന്‍ ശ്രമിക്കുകയാണ് കഥാകാരി. സ്വന്തം പിതാവില്‍ നിന്നും ലൈംഗിക പീഡനം ഏല്‍ക്കേണ്ടി വരുന്ന ഏകാകിയായ പെണ്‍കുട്ടിയുടെ ശോകാത്മകമായ ജീവിതം തെളിമയോടെ, ഹൃദയസ്പൃക്കായി ഈ കഥയില്‍ ആവിഷ്ക്കരിക്കുന്നു.


Extracts

Women Writers of Kerala

View all Authors