Sarada G. Nair

ശാരദ ജി. നായര്‍

1936 ല്‍ പാലക്കാടു ജില്ലയില്‍ ജനിച്ചു. ടി. ജി. നായരുടെയും മേതില്‍ സരസ്വതിയമ്മയുടെയും മകള്‍. ഇക്കണോമിക്സിലും എഡ്യുക്കേഷനിലും ബിരുദാനന്തര ബിരുദം. മാനേജ്മെന്‍റ് കോഴ്സും പഠിച്ചിട്ടുണ്ട്. തമിഴില്‍ നല്ല പരിജ്ഞാനം തമിഴില്‍ നിന്നും മലയാളിത്തിലേയ്ക്കും ഇംഗ്ലീഷിലേക്കും കൃതികള്‍ വിവര്‍ത്തനം ചെയ്തിട്ടുണ്ട്. 1962 മുതല്‍ അധ്യാപകവൃത്തി. 1968 ല്‍ എഫ്. എ. സി. ടി. യുടെ ഉദ്യോഗമണ്ഡല്‍ സ്കൂളില്‍ ടീച്ചര്‍. പിന്നീട് വൈസ് പ്രിന്‍സിപ്പല്‍. 1994 ല്‍ റിട്ടയര്‍ ചെയ്തു. “ശ്രീ ആണ്ടാര്‍ തിരുപ്പാവൈ” (വിവര്‍ത്തനം - പൂര്‍ണ്ണാ പബ്ലിക്കേഷന്‍സ്, കോഴിക്കോട്, 2008) എന്നൊരൊറ്റ കൃതി മാത്രമേ പ്രസിദ്ധീകരിച്ചിട്ടുളളു. 1968 ല്‍ ‘ചിലപ്പതികാരം - ഒരവലോകനം’ എന്നതിന് എഅഇഠ അംമൃറ ളീൃ ആലെേ അൃശേരഹല ശി ങമഹമ്യമഹമാ ശി എഅഇഠ ങമശെസമ ലഭിച്ചു. ‘ഇന്നത്തെയും നാളത്തെയും നേതാക്കളോട്’ എന്ന ഉപന്യാസത്തിന് 1977 ല്‍ ഡൈജസ്റ്റ് വാര്‍ത്താ അവാര്‍ഡും ‘വിദ്യാര്‍ത്ഥിരംഗത്തെ അസ്വസ്ഥത കാരണങ്ങളും പ്രതിവിധികളും’ എന്നതിന് അഖിലേന്ത്യാ ഉപന്യാസ മത്സരത്തില്‍ പാരിസിലെ ഫിയോക്കസി (ഡചഋടഇഛമളളശഹശമലേറ) എഇഎകഅ (1978) അവാര്‍ഡും ലഭിച്ചു. തെന്നിന്ത്യയിലെ ഭക്ത കവയിത്രികളില്‍ അഗ്രഗണ്യയാണ് ആണ്ടാള്‍. “തിരുപ്പാവൈ” രചനയിലൂടെ ആധുനികരുടെ മനസ്സില്‍ പോലും ആണ്ടാള്‍ വീണ്ടും ജനിച്ചു കൊണ്ടിരിക്കുന്നു. ആ മഹാസമുദ്രത്തെയാണ് ശാരദ മലയാളത്തിലേക്ക് വിവര്‍ത്തനം ചെയ്തിരിക്കുന്നത്. ശ്രീ രംഗനാഥനോടുള്ള ആണ്ടാളുടെ പ്രേമഭക്തിയാണ് പ്രസ്തുത കൃതിയില്‍ നിറഞ്ഞു നില്‍ക്കുന്നത്. ലളിതമായ രീതിയിലാണ് ശ്രീമതി ശാരദാ ജി നായര്‍ ഈ ഗാനങ്ങള്‍ വിവര്‍ത്തനം ചെയ്തിരിക്കുന്നത്. തമിഴും മലയാളവും പ്രധാനപ്പെട്ട വേരുകളാണെന്നു വസ്തുനിഷ്ഠമായി തെളിയിക്കുന്ന കൃതി കൂടിയാണ് ശ്രീ ആണ്ടാള്‍ തിരുപ്പാവെ.

“ശ്രീ ആണ്ടാള്‍ തിരുപ്പാവെ” (വിവര്‍ത്തനം). കോഴിക്കോട്: പൂര്‍ണ്ണാ പബ്ലിക്കേഷന്‍സ്, 2008.

Extracts

Women Writers of Kerala

View all Authors