Sali Monayi

സാലി മോനായി

മഹാത്മാഗാന്ധി യൂണിവേഴ്സിറ്റിയില്‍ നിന്നും ചൈല്‍ഡ് ഡവലപ്പ്മെന്‍റില്‍ ബിരുദാനന്തരബിരുദവും കേരള പ്രസ് അക്കാദമിയില്‍ നിന്നും ജേര്‍ണലിസത്തില്‍ ബിരുദാനന്തര ഡിപ്ലോമയും കരസ്ഥമാക്കിയ സാലി മോനായി മാതൃഭൂമി ദിനപത്രത്തിലും ക്രിസ്തീയ പ്രസാധകരംഗത്തും പ്രവൃത്തി പരിചയം നേടിയിട്ടുണ്ട്. വിവിധ ക്രിസ്തീയ ആനുകാലികങ്ങളില്‍ എഴുതാറുണ്ട്. റെയിനാള്‍ഡ് ബോങ്കെയുടെ ജീവചരിത്രം വിവര്‍ത്തനം ചെയ്തു. “പോള്‍ യോംഗിചോ: വിശ്വാസത്തിന്‍റെ അപ്പൊസ്തെലന്‍” ആണ് ആദ്യ കൃതി. ഈ ജീവചരിത്രഗ്രന്ഥത്തിലെ ആദ്യ അദ്ധ്യായമായ ‘ബുദ്ധനില്‍ നിന്നു ക്രിസ്തുവിലേക്ക്’ എന്ന ഭാഗമാണ് ഇവിടെ ഉള്‍പ്പെടുത്തിയിരിക്കുന്നത്. അത്ഭുത രോഗ സൗഖ്യത്തിലൂടെ സത്യദൈവത്തെ കണ്ടെത്തിയ ഒരു ബുദ്ധമത വിശ്വാസി ലോകത്തിലെ ഏറ്റവും വലിയ പെന്തകോസ്തു സഭയുടെ പാസ്റ്ററായിത്തീര്‍ന്ന അനുഭവ കഥയാണു സാലി വിവരിക്കുന്നത്. വിശ്വാസത്തിന്‍റെ അഗാധതയില്‍ നീന്തിത്തുടിച്ച് വിലയേറിയ മുത്തുകള്‍ പെറുക്കിയെടുത്ത പാസ്റ്റര്‍ ചോയെ ദൈവം നടത്തിയ അത്ഭുത വഴികള്‍ ലളിതമായ ഭാഷയില്‍ വിശകലനം ചെയ്തിരിക്കുന്നു. പ്രശസ്ത പത്രപ്രവര്‍ത്തകന്‍ പോള്‍ മണലില്‍ ഈ പുസ്തകത്തിനെഴുതിയ ആമുഖത്തില്‍ ഇങ്ങനെ രേഖപ്പെടുത്തിയിരിക്കുന്നു. ജീവിതത്തെ പുനഃപ്രതിഷ്ഠിച്ചതിലൂടെ ക്രിസ്തീയ മഹത്വത്തിലേക്ക് ഉയര്‍ന്ന ഒരു പുരാവൃത്തമാണ് യോംഗീചോ എന്ന വിശ്രുതനായ പ്രഭാഷകന്‍റെ ജീവിതത്തില്‍ കാണാന്‍ കഴിയുന്നത്. പ്രബുദ്ധതയില്‍ നിന്നൊരു രൂപാന്തരീകരണമാണ് സ്വന്തം ജീവിതത്തിലൂടെ അദ്ദേഹം കാഴ്ച വച്ചത്. തന്‍റെ തിരിച്ചറിവുകളെ വിശ്വാസത്തിന്‍റെ അടിപ്പിണരുകളായി യോംഗിചോ നമുക്ക് കാണിച്ചു തരുന്നു. സാലി മോനായിയുടെ “പോള്‍യോംഗിചോ വിശ്വാസത്തിന്‍റെ അപ്പൊസ്തെലന്‍” എന്ന ഗ്രന്ഥം വിശ്വാസത്തിന്‍റെ ആണിപ്പഴുതുകളിലേക്ക് വായനക്കാരെ കൂട്ടികൊണ്ടു പോകുന്നു.

“പോള്‍ യോംഗിചോ: വിശ്വാസത്തിന്‍റെ അപ്പൊസ്തെലന്‍” (ജീവചരിത്രം). തിരുവല്ല: റീമ പബ്ലിഷേഴ്സ്, 1999.

Extracts

Women Writers of Kerala

View all Authors