Sainaba Sitharamiya (T. P. Sainaba)

സൈനബ സിത്താറമിയ്യ (ടി. പി. സൈനബ)

1959 ല്‍ വയനാട്ടിലെ കുന്നമ്പറ്റയില്‍ ജനിച്ചു. കുന്നമ്പറ്റ എ. പി. ജെ. എസ്. എ. എല്‍. പി. സ്കൂള്‍, ചൂണ്ടേല്‍ ആര്‍. സി. ഹൈസ്കൂള്‍, കീഴുപറമ്പ് എ. ഐ. എ. കോളേജ് എന്നിവിടങ്ങളില്‍ വിദ്യാഭ്യാസം. അദ്ധ്യാപികയാണ്. കവിതകളും ചെറുകഥകളും എഴുതുന്നു. അറബിക് ഭാഷയിലും കവിതകള്‍ എഴുതാറുണ്ട്. സ്ത്രീയുടെ സങ്കടങ്ങള്‍, പ്രകൃതിയിലെ മാറ്റങ്ങള്‍, ഭൂമിയുടെ സഹനശക്തി, മനുഷ്യന്‍റെ മനോഭാവങ്ങള്‍ തുടങ്ങി എല്ലാ വിഷയത്തെക്കുറിച്ചും സൈനബ സിത്താറമിയ്യ തന്‍റെ കവിതകളിലൂടെ സംസാരിക്കുന്നു. രണാങ്കണത്തിനപ്പുറം എന്ന കവിതയില്‍ അമ്മമാരുടെ സങ്കടത്തെക്കുറിച്ചാണ് പറയുന്നത്. ആധുനിക കാലത്തും പുരാതനകാലത്തും യുദ്ധങ്ങളിലും കലാപങ്ങളിലും മക്കളെ നഷ്ടപ്പെടുന്ന അമ്മമാര്‍. പുരാണത്തിലെ ഗാന്ധാരിയുടെ അവസ്ഥതന്നെയാണ് ഇന്നത്തെ സ്ത്രീകള്‍ക്കും. അണുബോംബും മത്സരബുദ്ധിയും അവള്‍ക്ക് നഷ്ടങ്ങള്‍ സൃഷ്ടിക്കുന്നു. സ്ത്രീയുടെ മിഴിനീര്‍പ്രവാഹം താങ്ങാന്‍ ഭൂമിക്ക് സാധിക്കുമോ എന്നാണ് കവയിത്രി സംശയിക്കുന്നത്. കാത്തിരിക്കുന്നോ ആകാംക്ഷയോടൂഴി കണ്ണകിയെ, ഉണ്ണിയാര്‍ച്ചയെ? ഹാത്രം വിരചിക്കും കൊടുതീയില്‍ നീറുവാനാവില്ലിനിയും ജീവനുന്നെ ഗര്‍ഭപാത്രങ്ങള്‍ക്ക്! എന്ന് അവള്‍ പറഞ്ഞവസാനിപ്പിക്കുന്നു.


Extracts

Women Writers of Kerala

View all Authors