Neenu Rafael

നീനു റാഫേല്‍

1990 മെയ് 30 ന് എറണാകുളം ജില്ലയിലെ കുമ്പളങ്ങിയില്‍ ജനിച്ചു. ടി. എസ്. റാഫേലിന്‍റെയും ഷാഗിയുടെയും മകള്‍. ഇപ്പോള്‍ കൊച്ചിന്‍ യൂണിവേഴ്സിറ്റിയില്‍ എഞ്ചിനീയറിംഗ് വിദ്യാര്‍ത്ഥിനി. “ചിത്രശലഭം”, “വില്‍ക്കാനുണ്ട് ബാല്യങ്ങള്‍” (2010) എന്നീ കവിതാ സമാഹാരങ്ങളാണ് പ്രസിദ്ധീകരിച്ച കൃതികള്‍. “വില്‍ക്കാനുണ്ട് ബാല്യങ്ങള്‍” എന്ന കവിതയാണ് ഇവിടെ ചേര്‍ത്തിരിക്കുന്നത്. നഷ്ടപ്പെട്ട ബാല്യകൗമാരങ്ങളെക്കുറിച്ചുള്ള തേങ്ങല്‍ മാത്രമല്ല നഷ്ടമാകാന്‍ പോകുന്ന നവ യൗവനത്തെക്കുറിച്ചുള്ള ആശങ്കയും വേവലാതിയുമുണ്ട് ഈ കവിതയില്‍. ബാല്യമിവിടെ വില്പനയ്ക്കുണ്ട് ഡോളറും രൂപയും ദിനാറുമെല്ലാം കടം കൊണ്ട ബാല്യം ചാച്ചാതന്‍ പനിനീര്‍ദളങ്ങളില്‍ മുത്തം ചൊരിഞ്ഞൊരെന്‍ ബാല്യം കുയിലും കുരുവിയും വീഥിയില്‍ തനിച്ചായ് പുസ്തകത്താളിലെ മയില്‍പ്പീലികള്‍ ചത്തൊടുങ്ങി രക്തക്കറയുണക്കുവാനുഴറുന്ന പരിഹാരപാഠശാലകള്‍. ഇപ്പോള്‍ ശൈശവവും കൗമാരവും കുട്ടികള്‍ക്കില്ല എന്ന ദാരുണസത്യം ഈ കവിതയില്‍ ആവിഷ്കരിക്കുന്നു. ഇത്തരിപ്പോന്നൊരീ ജീവിതത്തില്‍ നേടുവാനൊത്തിരി; നേരിടുവാനതിലേറെ ഈ ജډമീ പ്രഭാതം ഈ സൂര്യനഗ്നിയെരിയും സന്ധ്യയെ പുല്കട്ടെ നിശാചരി ബാല്യമിവിടെ വില്പ്പനയ്ക്കുണ്ട്. സമൂഹത്തിന്‍റെ കൈപ്പിടിയ്ക്കുള്ളില്‍ കിടന്ന് ഞെരിഞ്ഞമരുന്ന ബാല്യത്തിന്‍റെ തേങ്ങലും അമര്‍ഷവുമാണ് ഈ വരികളില്‍ തെളിയുന്നത്.


Extracts

Women Writers of Kerala

View all Authors