Narayani Muthassi

നാരായണി മുത്തശ്ശി

യഥാര്‍ത്ഥ നാമം തങ്കമണി. പി. 1944 ല്‍ കൊല്ലം ജില്ലയിലെ തേവലക്കരയില്‍ ജനിച്ചു. കാര്‍ത്യായനിയുടെയും പത്മനാഭന്‍റെയും മകള്‍. കൊന്നവിള കേശവ വിലാസം എല്‍. പി. സ്കൂള്‍, ചവറ ഗവണ്‍മെന്‍റ് ഹൈസ്കൂള്‍, കൊല്ലം ഫാത്തിമാ മാതാ നാഷണല്‍ കോളേജ്, പന്തളം എന്‍. എസ്. എസ്. കോളേജ്, കോഴിക്കോട് ഗവണ്‍മെന്‍റ് ട്രെയിനിംഗ് കോളേജ് എന്നിവിടങ്ങളില്‍ വിദ്യാഭ്യാസം. ഹൈസ്കൂള്‍ അദ്ധ്യാപികയായിരുന്നു. സാഹിതീയത്തില്‍ അംഗമായി പ്രവര്‍ത്തിക്കുന്നു. കവിതകള്‍ രചിക്കുന്നു. “കണ്ണകി” (കവിതാസമാഹാരം), (പ്രഭാത്ബുക്സ് ഹൗസ്, 2007, ജൂണ്‍) എന്ന ഒരു കൃതി മാത്രമേ പ്രസിദ്ധീകരിച്ചിട്ടുള്ളു. ‘കണ്ണകി’ എന്ന കവിതയില്‍ തെറ്റും ചെയ്യാത്ത കണ്ണകിയുടെ ശാപത്തിന്‍റെ ഉഗ്രനിമിഷങ്ങള്‍ ആവിഷ്കരിക്കാന്‍ ശ്രമിക്കുന്നു. കണ്ണകി ഉഗ്രശാപത്താലുടച്ച ചിലമ്പിന്‍റെ പകുതിയാണ് ചന്ദ്രക്കലയായി മാറിയതത്രേ. അനീതിയുടെ മുന്നില്‍ ആളിപ്പടരുന്ന അനീതിയെ നശിപ്പിക്കുന്ന അഗ്നിയാണ് കണ്ണകി എന്ന് കവയിത്രി അഭിപ്രായപ്പെടുന്നു. അനീതി തന്‍ മുന്നിലാളിപ്പടരുന്നൊ- രഗ്നിയാണുജ്ജ്വല തേജസ്വി കണ്ണകീ!!


Extracts

Women Writers of Kerala

View all Authors