Muthukulam Parvathy Amma

മുതുകുളം പാര്‍വ്വതി അമ്മ

മുതുകുളം പാര്‍വ്വതി അമ്മ തന്‍റെ ജീവിതകാലത്തെ പ്രധാനപ്പെട്ട കവികളില്‍ ഒരാളിയി അംഗീകാരം നേടിയിരുന്നു. വിദ്വാന്‍ പരീക്ഷ വിജയിച്ചിരുന്നതിനാലാവാം എഴുത്തുകാരിയെ ലേഡി വിദ്വാന്‍ എന്നാണ് വിശേഷിപ്പിച്ചിരുന്നത്. അവരുടെ ഒരു പുസ്തകത്തിനെഴുതിയ അവതാരികയില്‍ എസ്. പരമേശ്വരയ്യര്‍ വിദൂഷി എന്നും വിശേഷിപ്പിച്ചു കാണുന്നു. “ഉദയപ്രഭ”, “പൂക്കാരി”, “മീര”, “ശ്രീചിത്തിര മഹാവിജയം”, “ഭൂവനദീപിക”, “അഹല്യ”, “ഗാനാഞ്ജലി”, “ഒരു വിലാപം” തുടങ്ങിയ കൃതികള്‍ക്ക് പുറമേ, മറ്റ് കൃതികളെ അവലംബിച്ചും വിവര്‍ത്തനമായും ധാരാളം രചനകള്‍ നടത്തിയിരിക്കുന്നു. ബുദ്ധചരിതത്തിന്‍റെ ഉത്തരാര്‍ദ്ധം കിളിപ്പാട്ടായി രചിച്ചിട്ടുണ്ട്. “അശ്രുകുടീരം” മീരാബായിയെ കുറിച്ചുള്ള ഖണ്ഡകാവ്യമാണ്. “ഭഗവത്ഗീത” കിളിപ്പാട്ട് രീതിയില്‍ വിവര്‍ത്തനം ചെയ്തിട്ടുണ്ട്. ഗീതാഞ്ജലിയും വിവര്‍ത്തനം ചെയ്തിട്ടുണ്ട്. “ഉദയപ്രഭ” എന്ന മുതുകുളം പാര്‍വ്വതിയമ്മയുടെ കാവ്യസമാഹാരത്തിനുള്ള അവതാരികയില്‍ ശ്രീ. ഉള്ളൂര്‍ എസ്. പരമേശ്വരയ്യര്‍ ഇങ്ങനെ എഴുതിയിരിക്കുന്നു. “ഏറ്റവും പഴകിയതോ അത്യന്തം പുതിയതോ ആയ സമ്പ്രദായത്തിലല്ല പാര്‍വ്വതിയമ്മയുടെ പ്രകൃതി നിരീക്ഷണമുണ്ട്, ഭൂതാനുകമ്പയുണ്ട്, തത്വചിന്തയുണ്ട്, ഭാവഗഹനതയുണ്ട്, എന്നാല്‍ അസ്പഷ്ടതയില്ല. ആശയത്തിന് അസമ്പൂര്‍ണ്ണതയും ആവിഷ്കരണത്തിന് അപ്രസന്നതയുമില്ല. അദ്ദേഹം തുടരന്നു, നാലപ്പാട്ടു ബാലാമണി അമ്മ, കടത്താനാട്ടു മാധവി അമ്മ, മേരിജോണ്‍ തോട്ടം, തെക്കേക്കുന്നത്തു കല്യാണി അമ്മ തുടങ്ങിയ ആധുനിക ഭാഷാ കവിയിത്രികളുടെ ഇടയില്‍ പാര്‍വ്വതി അമ്മ പ്രശംസനീയമായ ഒരു സ്ഥാനത്തിനവകാശമുണ്ടെന്ന് നിസ്സന്ദേഹം അഭിപ്രായപ്പെടാവുന്നതാണ്. മുതുകളും പാര്‍വ്വതി അമ്മയുടെ “പൂക്കാരി” എന്ന കവിതാസമാഹാരത്തില്‍ നിന്ന് ‘ആ വിളി’ എന്ന കവിതയാണ് ഇവിടെ ഉള്‍പ്പെടുത്തുന്നത്. മനുഷ്യജീവിതത്തിന്‍റെ നശ്വരതയെകുറിച്ച് ഓര്‍മ്മിപ്പിക്കുന്നതാണ് കവിത.

“ഉദയപ്രഭ” - 1934. “പൂക്കാരി” “മീര” - 1981. “ശ്രീചിത്തിര മഹാവിജയം” “ഭൂവനദീപിക” “അഹല്യ” “ഗാനാഞ്ജലി” “മാതൃ വിലാപം” - ചെങ്ങന്നൂര്‍: ക്രിസ്ത്യന്‍ പബ്ലിഷിംദ് ഹൗസ്, 1953. “അശ്രുകുടീരം” “ഭഗവത്ഗീത” (വിവര്‍ത്തനം) “ഗീതാഞ്ജലി” (വിവര്‍ത്തനം)

Extracts

Women Writers of Kerala

View all Authors