P. Kamalamma

പി. കമലമ്മ

1937 ല്‍ ചേര്‍ത്തല താലൂക്കില്‍ മരുത്തോര്‍ വട്ടത്ത് ജനിച്ചു. ചെറുപ്പം മുതല്‍ക്കേ നന്നായി പാട്ടുപാടുകയും തിരുവാതിര കളിക്കുകയും ചെയ്തിരുന്നു. സ്കൂള്‍ വിദ്യാഭ്യാസത്തിനു ശേഷം പെണ്‍കുട്ടികളെ തിരുവാതിര പഠിപ്പിക്കുവാന്‍ തുടങ്ങി. “മഗംല ആതിര” (2006) എന്ന തിരുവാതിരപ്പാട്ടുകളുടെ സമാഹാരമാണ് പ്രസിദ്ധീകരിച്ച കൃതി. തിരുവാതിരപ്പാട്ടുകളുടെ സമാഹാരമായ “മംഗല ആതിര”യിലെ ഗണപതിസ്തുതികള്‍ ആണ് ഇതില്‍ ഉള്‍പ്പെടുത്തിയിരിക്കുന്നത്. ധനുമാസത്തിലെ തിരുവാതിരനാളിലാണ് തിരുവാതിര ആഘോഷിക്കുന്നത്.പാര്‍വ്വതീദേവി തപസ്സു ചെയ്ത് ശ്രീപരമേശ്വരനെ പ്രത്യക്ഷപ്പെടുത്തിയ ദിവസമാണ് തിരുവാതിര നാളായി ആഘോഷിക്കുന്നത്. തിരുവാതിരനാളില്‍ തിരുവാതിരപ്പാട്ടുകല്‍ പാടി സ്ത്രീകള്‍ കൈക്കൊട്ടിക്കളി നടത്തുന്നു. ഓണക്കാലത്തും ഇത് കളിക്കാറുണ്ട്. ഗണപതി, സരസ്വതി, പാര്‍വ്വതി, ശിവന്‍, സുബ്രഹ്മണ്യന്‍, ശ്രീകൃഷ്ണന്‍ തുടങ്ങിയ ദേവീദേവډാരെ പ്രകീര്‍ത്തിച്ചു കൊണ്ടുള്ള ധാരാളം തിരുവാതിരപ്പാട്ടുകള്‍ ഉണ്ട്. ഒരു സമൂഹത്തിന്‍റെ വിശ്വാസത്തിന്‍റെ ഭാഗമായിട്ടാണ് തിരുവാതിര ആഘോഷിച്ചിരുന്നത്. ആദ്യകാലങ്ങളില്‍ വ്രതാനുഷ്ഠാനങ്ങളോടെ വളരെ ഭക്തിനിര്‍ഭരമായി ധാരാളം ചടങ്ങുകളോടുകൂടെ തിരുവാതിര ആഘോഷിച്ചിരുന്നു. എന്നാല്‍ ഇന്ന് അതിന്‍റെ പ്രാധാന്യം കുറഞ്ഞു വരുന്നതായാണ് കാണുന്നത്. യുവജനോത്സവ വേദികളില്‍ മാത്രമായി ഒതുങ്ങിപ്പോകുന്നു തിരുവാതിരക്കളിയും തിരുവാതിരപ്പാട്ടുകളും.

“മംഗല ആതിര” (തിരുവാതിപ്പാട്ടുകള്‍). ആലപ്പുഴ: വിദ്യാരംഭം പ്രസിദ്ധീകരണം, മുല്ലയ്ക്കല്‍, ജനുവരി 2006 (സമ്പാദക: പി. കമലമ്മ).

Extracts

Women Writers of Kerala

View all Authors