Akhila

അഖില

കൊല്ലം ജില്ലയിലെ കാവനാട്ട'് എ സ്ഥലത്ത് 1948 ല്‍ ജനിച്ചു. കേന്ദ്ര ഗവണ്‍മെന്റ് ഉദ്യോഗസ്ഥയാണ്. ആഗോളതലത്തിലും ദേശീയതലത്തിലും സംസ്ഥാനതലത്തിലും ചെറുകഥാ അവാര്‍ഡുകള്‍ നേടി. 1985 ല്‍ വനദേവത എന്ന നോവലിന് സഖി അവാര്‍ഡ് ലഭിച്ചു. "മൂക്കുത്തി" (1983) എന്ന കഥാസമാഹാരവും പ്രസിദ്ധീകരിച്ചിട്ടുണ്ട്. പത്രമാസികകളിലും ആനുകാലികങ്ങളിലും പ്രത്യക്ഷപ്പെടുന്ന പുതിയ തലമുറയില്‍പ്പെട്ട കഥയെഴുത്തുകാരുടെയിടയില്‍ ശ്രദ്ധേയമായ എഴുത്തുകാരിയാണ് അഖില. സ്‌ത്രൈണ ദുഃഖങ്ങളുടെ ഏങ്ങലടിയും ജീവിത ദുരന്തങ്ങളുടെ വിതുമ്പലും അഖിലയുടെ കഥകളിലെ പ്രത്യേകതയാണ്. കാവ്യമധുരമായ കഥാകഥനശൈലിയും ഭാഷാ സമ്പത്തും എഴുത്തുകാരിയുടെ കഴിവിനെ കൂടുതല്‍ മികവുറ്റതാക്കുന്നു. 'മൂക്കുത്തി' എന്ന കഥയിലെ സൗദാമിനിച്ചെറിയമ്മ വായനക്കാരന്റെ മനസ്സില്‍ കണ്ണുനീര്‍ത്തുള്ളി പാകി വൈരപ്പാടുപോലെ തിളങ്ങി നില്‍ക്കുന്നു. ബധിരയും മൂകയുമായ സൗദാമിനിച്ചെറിയമ്മ ജീവിതം സ്വയം അവസാനിപ്പിക്കുന്നു. ദുരന്തത്തില്‍ അവസാനിക്കുന്ന ഈ കഥയിലെ ചെറിയമ്മ വായനക്കാരുടെ മനസ്സില്‍ മറക്കാനാവാത്ത ഒരു കഥാപാത്രമായി എന്നും നിലനില്‍ക്കും എന്നതില്‍ സംശയമില്ല.

"മൂക്കുത്തി". 1983

Extracts

Women Writers of Kerala

View all Authors